पुणे : गोल्डन पिरॅमिड एंटरटेन्मेंट प्रस्तुत ‘सावनी अनप्लग्ड’ ही सुरेल गाण्यांची मैफल १६ जून रोजी आयोजित करण्यात आली आहे. प्रसिद्ध गायिका सावनी रवींद्र यांच्या सोलो मैफलींची सुरुवात पुण्यापासून होत आहे. संगीत संयोजनातील वेगळेपण प्रेक्षकांना या कार्यक्रमातून अनुभवता येईल. मैफलीत नवी व जुनी गाणी वेगळ्या ढंगात सादर करण्यात येणार आहेत. या अनप्लग्ड सीरिजची सुरुवात दोन वर्षांपूर्वी वेब सीरिजच्या माध्यमातून झाली. त्यातून मिळालेल्या उत्तम प्रतिसादामुळेच या कार्यक्रमाची बांधणी करण्यात आली आहे.
कार्यक्रमाची संकल्पना गोल्डन पिरॅमिड एंटरटेन्मेंट व सावनी रवींद्र यांची असून यामध्ये हिंदी, तमीळ, मराठी, गझल, लोकगीते, सूफी गायनप्रकार सादर केले जातील. मैफलीत की बोर्डवर अनय गाडगीळ, तबला व झेंबेवर नितीन शिंदे, ड्रम्ससाठी अभिजित भदे, गिटारकरिता अमित गाडगीळ आणि संवादक म्हणून आरजे राहुल अशी तगडी साथसंगत असणार आहे.
गोल्डन पिरॅमिड एंटरटेन्मेंटने यापूर्वी अनेक कार्यक्रम केले असून, पारंपरिक वाद्यांची साखळी मोडून जुनी गाणी नव्या स्वरूपात सादर करण्याचा प्रयत्न या कार्यक्रमात करण्यात येत आहे.
दिनांक : १६ जून २०१७
वेळ : रात्री साडेनऊ
स्थळ : यशवंतराव चव्हाण नाट्यगृह, पुणे
